ဒီတစ်ခေါက်မှာတော့ 2008 ခုနှစ်ထဲကထွက်ရှိထားတဲ့ စစ်ပွဲတွေ တိုက်ပွဲတွေနဲ့ ရင်ဖိုစိတ်လှုပ်ရှားစွာ ကြည့်ရှုရမယ့် action movie လေးဖြစ်တဲ့ An Empress And The Warriors ဆိုတဲ့ ရုပ်ရှင်ဇာတ်ကားလေးကို မိတ်ဆက်ပေးချင်ပါတယ်။ ဒီဇာတ်ကားလေးကတော့ တိုင်းပြည်ရဲ့ ဩဇာအာဏာ ရော၊ရဲစွမ်းသတ္တိတွေရော ပြည့်စုံတဲ့ ဘုရင်နတ်ရွာစံသွားတဲ့အခါ အရိုက်အရာထီးနန်းဆက်ခံဖို့ အငြင်းအခုန်တွေကြားက တစ်ဦးတည်းသော သမီးဖြစ်သူက ဆက်လက် အုပ်ချုပ်ခဲ့ရပါတယ်။ စစ်ပွဲတွေနဲ့ ငြိမ်းချမ်းမှုမရှိတဲ့ တိုင်းပြည်ကြောင့် ပြည်ပရန်တွေကို အစဉ်အမြဲတိုက်ထုတ်နေရတဲ့ကြားမှ နန်းတော်တွင်း အချင်းချင်းပုန်ကန်ပြီး အာဏာလုမှုတွေကြောင့် အသက်ပေါင်းများစွာ စတေးရပုံတွေ၊ တရားမျှတမှုအတွက် အသက်ကို ရင်းပြီး တိုက်ခိုက်ပုံတွေကို ကြည့်ရှူရမှာပါ။ စစ်သည်စစ်သားပေမယ့် ချစ်ခြင်းမေတ္တာအပေါ် နူးညံ့ပုံလေးတွေနဲ့ တိုင်းပြည်အတွက် ကိုယ်ကျိုးစွန့်ပြီး ချစ်ခင်သူတွေကို စွန့်လွှတ်ရပုံတွေကို ရသမျိုးစုံရအောင် ရိုက်ကူးပေးထားတဲ့ action ဇာတ်ကားကောင်းလေးပဲ ဖြစ်ပါတယ်။ ဒီဇာတ်ကားအတွက် ဘာသာပြန်နဲ့အညွှန်းရေးသားသူကတော့ MTK_May ဖြစ်ပါတယ်။