1996ခုနှစ်မှာ ဂိုနီဆိုတဲ့ကောင်လေးဟာ ဘွဲ့ရထားပေမဲ့ လစာနည်းနည်းပဲရတဲ့အလုပ်မှာလုပ်ရင်း လောင်းကစားကို စပြီးအကဲစမ်းမိပါတယ်။ ဒီလိုနဲ့ အစ်မဖြစ်သူရဲ့မယားစရိတ်တွေကိုပါခိုးပြီး "အကုန်ရှုံးရင် ကိုယ့်ကိုယ်ကိုယ်သတ်သေမယ်" ဆိုပြီး ကြုံးဝါးထားတဲ့ ဂိုနီတစ်ယောက် အလိမ်ခံရပြီး ပိုက်ဆံအကုန်ရှုံးသွားခဲ့ပါတယ်။ ဒါပေမဲ့လည်း သူ့ကိုယ်သူတော့ သတ်မသေခဲ့ပါဘူး။ ပိုက်ဆံရလိုရငြားဆိုပြီး လူလိမ်တွေကိုရှာဖွေရင်းနဲ့ ဖြောင်းဂယောင်းဂျန်ဆိုတဲ့ လောင်းကစားပညာရှင်ဆရာကြီးနဲ့ဆုံတွေ့မိပြီး ဆရာကြီးဆီမှာ အတင်းလိုက်ကပ်ပြီး ပညာတွေသင်ခဲ့ပါတယ်။ ဒီလိုနဲ့ ဆရာ့ဆီကပညာသင်ခွင့်ရသွားတဲ့ ဂိုနီတစ်ယောက် လောင်းကစားလောကထဲမှာ ဘယ်လိုဆက်ပြီး ကျင်လည်မလဲ? ဂိုနီကျင်လည်ရာ လောင်းကစားလောကရဲ့ ဇာတ်ကွက်အဖုံဖုံကို ရင်သပ်ရှုမောစရာ ဒီကားလေးထဲမှာ ကြည့်ရှုကြရမှာပါ။ ဒီကားလေးက 2006ခုနှစ်ကထွက်ရှိခဲ့တဲ့ Crime movieတစ်ကားဖြစ်ပြီး Bed scene အနည်းငယ်ပါတာကိုတော့ သတိချပ်စေလိုပါတယ်။ ဒီကားလေးကို အညွှန်းနဲ့ဘာသာပြန်ဆိုသူကတော့ Huihui ဖြစ်ပါတယ်။