မိုက်ကယ်စစ်သင်တန်းကျောင်းဆင်းတဲ့နေ့မှာ မိုက်ကယ်ကိုအိမ်ပြန်ပို့ပေးဖို့လာစောင့်နေတဲ့သူက သူဘယ်တုန်းကမှရှိမှန်းမသိခဲ့တဲ့သူ့အဖေ။ မိုက်ကယ်ကအမေနဲ့အဘိုးနဲ့နေတာဖြစ်ပြီး သူ့ဘဝမှာအဖေရှိမှန်းမသိခဲ့ပါဘူး။ နှစ်အကြာကြီးနေမှပေါ်လာတဲ့အဖေကိုမကြည်ဖြူပေမယ့် အမေရဲ့ခိုင်းစေမှုကြောင့်လာကြိုတာဆိုတော့ မိုက်ကယ်လည်းစိတ်မပါလက်မပါနဲ့ ကားပေါ်လိုက်လာခဲ့တယ်။ မိုက်ကယ့်အဖေ လင်ကွန်းဟော့ခ်က ယောက္ခမဖြစ်သူရဲ့စနက်ကြောင့် ကွာရှင်းပြီးဇနီးနဲ့သားလေးကိုထားခဲ့ရတာပါ။ နှစ်တွေအကြာမှာ နှလုံးရောဂါသည်မိုက်ကယ့်အမေက သူမနေရတော့ဘူးဆိုတာသိလို့ မိုက်ကယ့်အဖေကိုပြန်ခေါ်ခဲ့တာပါ။ အိမ်အပြန်သုံးရက်ခရီးမှာ လူပါးလေးမိုက်ကယ်ရဲ့အဖေကိုဆရာလုပ်သြဝါဒချွေတဲ့အခန်းတွေနဲ့ သားအဖနှစ်ယောက်ဘုကလန့်တိုက်ရင်း ရင်းနှီးသွားကြပုံကို ကြည်ကြည်နူးနူးကြည့်ရှုခံစားကြရမှာပါ။ ဒီခရီးအပြီးမှာဘာတွေဆက်ဖြစ်လာမလဲ မိုက်ကယ့်အဘိုးကဘယ်လိုတွေဖျက်ဦးမလဲဆိုတာဆက်ပြီးကြည့်ရှုပေးပါဦး။ ဇာတ်လမ်းအညွှန်းနဲ့ ဘာသာပြန်သူကတော့ Helen Hnin ဖြစ်ပါတယ်