App ထဲကနေ Movie Request လုပ်ထားတဲ့ကားတွေထဲက တစ်ကားဖြစ်တဲ့ The Edge လေးကိုဘာသာပြန်တင်ဆက်ပေးလိုက်ပါတယ် ဒါလေးကတော့ Survival ရသအပြည့်အ၀ခံစားရမယ့် ကားကောင်းကားဟောင်းလေးပါပဲ။ မော်ဒယ်မင်းသမီးတစ်ယောက်နဲ့ လက်ထပ်ထားတဲ့ ဘီလျံနာ ချားလ်ဟာ မိန်းမနဲ့အတူဝေးလံခေါင်ဖျားတဲ့ရိုက်ကွင်းဆီရိုက်ကူးရေးအဖွဲ့နဲ့အတူလိုက်လာခဲ့ပါတယ်။ ချောမောတဲ့ဇနီးသည်နဲ့ ငြိချင်ချင်ဖြစ်နေနဲ့ ဓာတ်ပုံဆရာကြားမှာ သတိထားမိနေတာရှိပေမဲ့ ခပ်မဆိတ်ပဲနေခဲ့ပါတယ်။ တစ်နေ့ ဓာတ်ပုံဆရာက တောင်ပေါ်တစ်နေရာမှာနေတဲ့မုဆိုးတစ်ယောက်ဆီ နေ့ချင်းပြန်သွားဖို့ဖိတ်ပါတယ်။ ဇနီးဖြစ်သူကလည်း လိုက်သွားဖို့ပြောပါတယ်။ ဒီ ကြမ္မာငင်တဲ့ခရီးတိုလေးဟာ လူ့သဘော လူမနောတွေကို ကောင်းကောင်းမြင်တွေ့ရမယ့် ခရီးစဥ်အဖြစ်ပြောင်းသွားတဲ့အခါမှာတော့.... ဒီကားလေးဟာ ကြည့်မိလို့နောင်တမရမယ့်ကား​လေးဖြစ်ကြောင်း အခိုင်အမာညွှန်းချင်ပါတယ်။ရှုစားကြပါဦး။ ဒီဇာတ်ကားကိုအညွန်းနဲ့ဘာသာပြန်ပေးသူကတော့ Ariel ဖြစ်ပါတယ်